lunes, 14 de enero de 2013

VIENTO DEL ESTE, VIENTO DEL OESTE de Pearl S. Buck


 Narrado en primeira persoa polo seu protagonista principal, Kwei-Lan cóntanos a súa conmovedora historia, a dunha muller nacida no seo dunha familia distinguida que dende o mesmo momento do seu nacemento é prometida en matrimonio co seu futuro marido tal e como marcan as normas e tradicións, tanto do seu país coma da súa familia. E para iso será educada e preparada, para servir fielmente ao seu esposo segundo os costumes orientais e chegar a ser a perfecta esposa que todos esperan que sexa. 

 O seu futuro marido, pola contra, recibe unha educación totalmente diferente, xa que se trasladará a vivir a Estados Unidos para recibir formación académica como médico. Ao rematar a carreira e regresar de novo á súa patria, os seus pais obrigaranlle a cumprir co compromiso e casar coa súa prometida, Kwei-Lan. 

 Un mundo totalmente diferente abrirase ante eles, pero principalmente para ela. O desexo del é desmarcarse das ríxidas normas orientais e achegase máis as occidentais. Ela terá que acomodarse a unha forma e ritmo de vida para o que non foi preparada, e que por outro lado lle custa enormemente entender. Sufriu moitas penurias e sufrimentos na súa educación de "boa esposa" e agora enfróntase a un mundo que descoñece e a desconcerta. Collida entre dous mundos totalmente diferentes, unha loita interna de sentimentos enfrontados iniciarase no seu interior, debendo librar esa batalla en soidade.

2 comentarios:

  1. a min pareceume un bo libro dado que permite coñecer un pouco mellor o canon de beleza oriental e a sua cultura que e algo distinta a nosa,e,motivo polo cal os personaxes chocan

    ResponderEliminar
  2. O libro en si está moi ben, mostra o contraste xurdido entre as costumes e valores das sociedades occidentáis e as orientáis, neste caso China.
    É un libro que recomendo a toda persoa que teña interese neste tipo de temas e a verdade é que é moi interesante.

    ResponderEliminar